தமன்னாவின் திடீர் கனவு : சூப்பர் ஸ்டாருடன் ஜோடி சேரணும்!

Sunday, November 18, 2012 

தமிழில் பிரபல ஹீரோயினாக இருந்த நடிகை தமன்னா சூப்பர் ஸ்டார் ரஜினிகாந்துடன் ஒரு படத்திலாவது நடிக்க வேண்டும் என்பது தான் எனது கனவு என்று தெரிவித்துள்ளார்.

‘கேடி’ படத்தின் மூலம் தமிழ்சினிமாவில் ஹீரோயினாக அறிமுகமான நடிகை தமன்னா மிக குறுகிய காலத்துக்குள் விஜய்,சூர்யா,கார்த்தி போன்ற தமிழின் மாஸ் ஹீரோக்களுடன் ஜோடி சேர்ந்து நிறைய ஹிட் படங்களை கொடுத்தார்.

ஆனால் சமீபகாலமாக தமிழில் பட வாய்ப்புகள் இல்லாமல் தெலுங்கு பக்கம் போனவர் அங்கு ஒன்றிரெண்டு படங்களுடன் தனது தாய் மொழியான ஹிந்திப் பக்கம் போய் விட்டார். ஹிந்தியில் ‘ஹிம்மத்வாலா’ என்ற படத்தில் நடித்து வரும் தமன்னா இனி தமிழ்,தெலுங்கு படங்களில் நடிப்பதில்லை எனவும், தொடர்ந்து ஹிந்திப் படங்களில் மட்டுமே நடிக்கப் போவதாகவும் தகவல்கள் வெளியாயின.

ஆனால் சூப்பர் ஸ்டார் ரஜினிகாந்த், கமல்ஹாசன் போன்ற ஹீரோக்களின் படங்களில் நடிக்க வாய்ப்பு வந்தால் மீண்டும் நடிக்கத் தயாராக இருப்பதாகக் கூறியிருக்கிறார். “ ரஜினி,கமல் இருவர்களிடமும் சேர்ந்து ஒரு படத்திலாவது ஹீரோயினாக நடிக்க வேண்டும் என்பது தான் என் கனவு, அப்படி ஒரு சான்ஸ் வந்தால் கண்டிப்பாக நடிப்பேன் என்று மீண்டும் தமிழ்சினிமா கதவை தட்ட ஆரம்பித்திருக்கிறார் தமன்னா.