ஒருவார வசூல் 50 கோடி! : இன்ப அதிர்ச்சியில் ‘துப்பாக்கி’ டீம்!

Monday, November 19, 2012

விஜய் நடித்த ‘துப்பாக்கி’ படத்தின் வசூல் ஒரே வாரத்தில் 50 கோடி ரூபாயைத் தாண்டும் என்று எதிர்பார்க்கப்படுகிறது.

இளையதளபதி விஜய், காஜல் அகர்வால் நடித்து ஏ.ஆர்.முருகதாஸ் டைரக்‌ஷனில் தீபாவளிக்கு ரிலீஸான ‘துப்பாக்கி’ படம் ரசிகர்களிடையே மிகப்பெரிய அளவில் வரவேற்பைப் பெற்றுள்ளது.

கடந்த 13-ஆம் தேதி ரிலீஸான இந்தப் படம் முதல் மூன்று நாட்களில் சுமார் 10 கோடிக்கும் மேல் பணத்தை கத்தை கத்தையாக வசூல் செய்தது. அந்த இன்ப அதிர்ச்சியிலிருந்தே இன்னும் மீளவில்லை படத்தின் தயாரிப்பாளர் கலைப்புலி எஸ்.தாணு.

அதற்குள் அதன் வசூல் இன்னும் அதிகரித்து ஆறே நாட்களில் 45.60 கோடி ரூபாயை வசூல் செய்திருக்கிறதாம். ஆக அதன் ஒருவார வசூல் மட்டும் சுமார் 50 கோடியைத் தாண்டும் என்றும் சொல்கிறார்கள். தமிழ்நாட்டில் உள்ல தியேட்டர்களில் மட்டுமே இந்த அளவுக்கு பெரிய தொகை வசூலாகியிருக்கிறது.

உலகம் முழுவதும் உள்ள சுமார் 1000 தியேட்டர்களில் ஒரே நேரத்தில் ரிலீஸ் செய்யப்பட்ட இந்தப் படத்தின் வசூல் சுமார் 100 கோடியைத் தாண்டும் என்று தியேட்டர் வட்டாரங்களில் சொல்லப்படுவதால் அதன் தயாரிப்பாளர் கலைப்புலி எஸ்.தாணு உட்பட படத்தின் டோட்டல் டீமும் இன்ப அதிர்ச்சியில் உறைந்து போயிருக்கிறதாம்